Norske og tyske fartøy har trena saman i årlig ubåt-øving
Dei to siste vekene har norske og tyske fartøy trena saman på ubåtjakt og torpedoskyting i den årlige ubåt-øvinga Grüner Aal. Øvinga har styrka det tette samarbeidet vi har med Tyskland.
Mot slutten av 2020-talet skal Norge og Tyskland saman fase inn ei ny ubåt-klasse. Samarbeidet er unikt, når vi både bygger og skal drifte den felles ubåt-klassa saman. Grüner Aal er ei øving der vi får heva kompetansen vår saman med ein av våre viktigaste allierte.
Eit høgt treningsnivå
Øvelse Grüner Aal gjennomførast kvart år utanfor Bergen; i Bjørnafjorden og farvatnet utanfor Marsteinen. I fjor var det utfordrande for utanlandske fartøy å delta på grunn av COVID, men i år stilte Tyskland med både ubåt og støttefartøy. Dei har trena saman med blant anna fregatten KNM Thor Heyerdahl og ubåten KNM Utvær.
– Hensikta med øvinga er å trene på ubåtjakt og torpedoskyting saman med tyske fartøy på ulike nivå og i ulike scenario, fortel øvingsleiar Orlogskaptein Andreas Marstrander.
Ubåtane i Ula-klassen er stillegåande og vanskeleg for fregattar å registrere. Dei gir difor gode øvingsmoglegheiter til ubåtjakt for dei utanlandske fartøya.
– Vi tilbyr øving på eit godt nivå for våre allierte, samtidig som vi sjølv får trena hovudvåpenet til ubåten, tungvekts-torpedoen. Slik hever vi kompetansen for alle besetningane som deltar i øvinga, avsluttar øvingsleiar Orlogskaptein Andreas Marstrander.
