KNM Måløy returnerer etter NATO-oppdrag

Det norske minejaktfartøyet og hennar besetning har sidan slutten av juli inngått i NATOs ståande mineryddarstyrke i Nord-Europa. Gjennom perioden har KNM Måløy oppretthaldt norske forpliktingar i NATO, og bidrege til å utgjere del av den skarpe beredskapen i alliansen.

Styrkens hovudoppdrag er å sørge for at sivil skipstrafikk og militære forsterkningar kan ferdast i trygge farvatn i fred, krise og krig. Kapasiteten utgjer såleis ein viktig del av Noreg sin evne til å ta imot allierte forsterkningar ved oppbygging mot krise eller krig. 

– Dersom det bryt ut ein væpna konflikt eller krig, veit vi at det meste av dei allierte forsterkningane vil kome sjøvegen. Då er det vår oppgåve å sørge for at farvatna dei ferdast i er trygge og frie for miner. Utan oss vil både dei allierte forsterkningane og handelstrafikken stanse, seier skipssjef på KNM Måløy, kapteinløytnant Alf Johnsen. 

I løpet av deployeringa har styrken gjennomført ei rekke operasjonar og øvingar langs det nordlege Atlanterhav og Austersjøen. 

NATO-styrken har gjennom pandemien ført eit strengare smittevern-regime enn elles i samfunnet, og besetningane har ikkje hatt anledning til å gå i land gjennom perioden. 

– Det er klart det har vore krevjande å vera så lenge isolert frå omverda og familien. Dog veit eg og min besetning kor viktig det har vore at vi heldt oss friske og i stand til å ivareta forsvaret av NATO gjennom pandemien, avsluttar skipssjefen.

For media:

KNM Måløy vil kome til Haakonsvern torsdag 5.november klokka 12:45. Grunna koronasituasjonen vil det gjennomførast ein mindre utandørs heimkomstseremoni med familie og representantar for Sjøforsvaret. Media inviterast til å vera til stades ved heimkomsten. 

Det vil være eit mindretal frammøtte familiemedlem som får eit etterlengta gjensyn med sine kjære. Besetningsmedlem vil være tilgjengelig for media. 

Grunna korona-situasjonen vil det berre akkrediterast ei avgrensa mengde journalistar og mediefolk. 

Påmelding:

Kontakt pressebefal Marius Villanger, mobil: 940 17 141 eller e-post: mvillanger@mil.no. Oppgi namn, fødselsdato og telefonnummer for tilgang til Sjøforsvarets Hovudbase Haakonsvern. Meir informasjon vert sendt til akkrediterte. Påmelding seinast torsdag 05.11 klokka 09:00.